Եղիսաբեթ II-ը թագուհի է դարձել 1952 թվականի փետրվարի 6-ին, հոր՝ Ջորջ VI-ի մահից հետո: Եղիսաբեթն այդ ժամանակ պաշտոնական այցով Քենիայում էր գտնվում ու վերջին 200 տարվա մեջ դարձավ առաջին միապետը, որն իր նշանակման մասին իմացավ հայրենիքից դուրս:
Փոքր տարիքում Եղիսաբեթին ծնողները Լիլիբեթ են անվանել, հետո՝ Լիզբեթ եւ Լիլ: Նա ու քույրը՝ Մարգարեթը, վստահեցնում էին, որ լավ ու նորմալ մանկություն են ունեցել՝ ամեն երեկո նրանց թույլ են տվել իրենց սենյակից 2 րոպեով գնալ հյուրասենյակ, որպեսզի խաղան մայրիկի հետ: 13 տարեկանում Եղիսաբեթը սովորել է արտասանել իր իսկական անունն ու հայտարարել, որ այսուհետ իրեն պարտավոր են միայն այդպես դիմել:
Հանրային միջոցառումների ժամանակ թագուհին միշտ բամբակյա ձեռնոցներ էր կրում, որոնք ձեռք էր բերում Սասեքսից՝ Cornelia James արվեստանոցից: Վախենում էր վարակներից, քանի որ թագավորական աշխատանքը ենթադրում էր տարեկան մինչեւ 45 հազար ձեռքսեղմում: Ըստ կանոնակարգի՝ նրա ձեռքը սեղմել արգելվում էր, կարելի էր միայն թեթեւ հպվել:
Եղիսաբեթ II-ը կրում էր միայն կիսաշրջազգեստ։ Իր ողջ կյանքում նա հանրության առաջ միայն 3 անգամ է հայտնվել տաբատով։ Անգլիայի թագուհին երբեք հանրության առաջ չի հանել վերնազգեստը։ Նա առաջինն էր թագավորական ընտանիքից, ով հանրայնորեն հրաժարվեց կրել բնական մորթուց հագուստ:
Անցյալ դարի կեսերին Ելիսաբեթ II-ը շրջեց աշխարհով մեկ՝ դառնալով աշխարհում առաջին միապետը, ով շուրջերկրյա ճանապարհորդությամբ՝ 6 ամսում, շրջեց ամբողջ աշխարհը։
Բանակում ծառայելուց ի վեր թագուհին սիրում էր ազդանշաններ տալ: Եթե ցանկանում էր 5 րոպեից հեռանալ, պայուսակը դնում էր սեղանին: Եթե որեւէ մեկի հետ ձանձրանում էր, պայուսակը մի ձեռքից մյուսն էր տեղափոխում, կամ էլ դնում հատակին: Բոլորն անմիջապես ամեն ինչ հասկանում էին:
Թագուհին ամուսնացել է 1947 թվականին՝ Օլդենբուրգի դինաստիայից Ֆիլիպի հետ: Նրանք ծանոթացել են, երբ Եղիսաբեթը դեռ 13 տարեկան է եղել, իսկ Ֆիլիպը՝ 18, ու սովորում էր Թագավորական ռազմածովային քոլեջում, իսկ ապագա թագուհին ծնողների հետ այնտեղ էքսկուրսիայի էր մեկնել: Միանգամից խենթի պես սիրահարվել է ու տղայի հետ նամակագրության մեջ մտել:
Թագուհին սիրում էր ձիերին, կրակել, նավով ուղեւորության մեկնել: Նախընտրում էր հաճախ լինել սառը ծովի ափին, վայելել Նորֆոլկի քամոտ ափերն ու այնտեղ վարունգով սենդվիչ ուտել:
Եղիսաբեթ II-ը ամենաերկարակյաց միապետն էր երկրի պատմության ընթացքում, բացի այդ էլ ղեկավարման տարիների քանակով առաջին տեղում էր ժամանակակից միապետերի թվում: Նրանից երկար Մեծ Բրիտանիան ղեկավարել էր միայն Վիկտորիա թագուհին՝ 63 տարի, 7 ամիս եւ 2 օր: Սակայն այդ ռեկորդը Եղիսաբեթը գերազանցեց 2015 թվականի սեպտեմբերի 9-ին:
Նա նաեւ միակ միապետն էր, որը 2007 թվականին նշել է հարսանիքի ադամանդե հոբելյարը. նա ամուսնացած է եղել 73 տարի, Էդինբուրգի դուքսը վախճանվել է 2021 թվականի ապրիլի 9-ին՝ 99 տարեկանում:
Նա մահացավ 96 տարեկանում շոտլանդական Բալմորալ ամրոցում։
Դավիթ Մուրադյանի բլոգ, 