- Ինչ դասերից էր կազմված ավատատիրական հասարակությունը: Ներկայացրեք ավատատիրական աստիճանակարգությունը:
Ավատատիրական հասարակությունը բաղկացած էր ազատներից և անազատներից:
Ազատ էին թագավորները, հոգևորականները, զինվորականները, նախարարները։ Ժողովրդի մյուս հատվածը անազատներն էին, որոնք կազմում էին բնակչության մեծ մասը։ Ազատները և անազատները միմյանցից տարբերվում էին իրենց իրավունքներով և պարտականություններով:
Աստիճանակարգի գլուխ կանգնած էր թագավորը, հաջորդը խոշոր նախարարներն էին՝ բդեշխները, ապա գործակալ նախարարները։ Նախարարական տոհմի հաջորդ ստորին աստիճանը սեպուհներն էին
- Որոնք էին հողատիրության հիմնական ձևերը.Նշեք դրանց ընդհանրություններն ու առանձնահատկությունները:
Ավատատիրության շրջանում հողը սեփականության և ժառանգականության հիմունքներով պատկանում էր միայն ազատներին։ Հողատեր լինելը իրավունքների հետ նաև մի շարք պարտականություններ էր ենթադրում հողատիրոջ համար։ Վաղ միջնադարում գոյություն ունեին հողատիրության տարբեր ձևեր։
Հողային սեփականության ձևերից էր հորից որդուն անցնող ժառանգական հողը: Այն կոչվում էր հայրենական կամ հայրենիք։
Պետական պաշտոնյաներին, հատկապես զինվորականներին ծառայության համար թագավորի շնորհած հողերը հայտնի էին պարգևականք անունով: Առուվաճառքի ենթակա մասնավոր կալվածքները կոչվում էին գանձագին։
IV դ․ Հայոց թագավորը հողեր էր շնորհում նաև եկեղեցուն: Միջնադարում առաջացավ հողատիրության նոր` վանքապատկան ձևը:
- Երբ է քրիստոնեությունը հռչակվել Հայաստանի պետական կրոն: ով էր գլխավորում Հայոց եկեղեցին:
Քրիստոնեությունը Հայաստանում հռչակվեց պետական կրոն 301 թվականին։ Հայոց եկեղեցին գլխավորում էր Գրիգոր Լուսավորիչը։
- Գնահատեք հայ Արշակունի արքաների վարած ներքին և արտաքին քաղաքականությունը:
Հայ Արշակունի թագավորներն անընդհատ պայքար են մղել երկրի անկախությունը պահպանելու համար։ Նրանք փորձում էին համախմբել ներքին ուժերին։ Հռոմը և Պարսկաստանն անընդհատ փորձում էին տարածաշրջանում գերիշխանություն հաստատել։ Արշակունյաց արքայատոհմի գահակալության օրոք հայկական բանակի թիվը հասել է 100-120 հազարի։
- Ներկայացրեք 5-րդ դարի ազատագրական պատերազմները:: Թվարկեք նշանավոր ճակատամարտերը:
Ավարայրի ճակատամարտը կանխորոշել է Սասանյան Պարսկաստանի դեմ 450–451 թթ-ին հայ ժողովրդի մղած ազգային-ազատագրական պայքարի ելքը: Այն հայ ժողովրդի հանուն հավատքի մղած առաջին ճակատամարտն է: <Ոչ թե մեկ կողմը հաղթեց, և մյուս կողմը պարտվեց, այլ քաջերը քաջերի դեմ դուրս գալով, երկու կողմն էլ պարտություն կրեցին>, գրել է պատմիչ Եղիշեն>:
Հայկական զորքերին հաջողվեց մանր կռիվներով հակառակորդին քաշել Մասիսի լանջեր և այստեղ՝ Ակոռի գյուղի մոտ, պատրաստվել վճռական ճակատամարտի: 481 թվականին այս գյուղի մոտ տեղի ունեցած ճակատամարտում պարսկական 7000-անոց զորքը պարտություն է կրում, սպանվում է նախկին մարզպանը։Ներսեհապատի ճակատամարտը սկսվում է պարսկական զորքի հուժկու հարձակումով, որից հետո հայկական զորքի շարքերը փոքր-ինչ նահանջում են։ Որպեսզի հայ զինվորների շրջանում խուճապ չսկսվի, Վահան Մամիկոնյանը փորձում է այլ թևերից օգնության կանչել լրացուցիչ զորականների, սակայն նրանք, թեժ մարտի մեջ լինելով, չեն կարողանում օգնել նահանջած թևին։ Այդժամ ինքը՝ Վահան Մամիկոնյանը, համախմբելով իր ջոկատների ուժերը, հարձակվում է առաջ շարժված թշնամու վրա և ջախջախում։ Այնուհետև ամբողջ հայոց զորքն անցնում է հակահարձակման և փայլուն հաղթանակ տանում։ Հայկական բանակը Վահան Մամիկոնյանի գլխավորությամբ շտապում է դեպի Վրաստան: Այստեղ պարզվում է, որ հոները չեն կատարում իրենց խոստումը և օգնության չեն գալու: Հայ-վրացական համատեղ փոքրաթիվ զորքերը, ստիպված, ճակատամարտ են տալիս Ճարմանայի դաշտում: Ճակատամարտը ավարտվում է հայ-վրացական բանակի պարտությամբ, զոհվում են հայկական զորքի հրամանատարներ Սահակ Բագրատունին և Վասակ Մամիկոնյանը, գերի է ընկնում Հրահատ Կամսարականը: Այս պայմաններում, երբ ապստամբական ուժերի ղեկավարներից շատերը զոհվել էին կամ հայտնվել գերության մեջ, Վահան Մամիկոնյանը կրկին անցնում է մանր մարտերի մարտավարությանը և հմտորեն խուսափում է մեծ ճակատամարտից: Հանկարծակի հարձակումները պարսից զորքի վրա և փոքր կռիվները ժամանակի ընթացքում ահռելի վնաս են հասցնում պարսկական զորքին:
451 թվական — Ավարայրի ճակատամարտ
481 թվական-Ակոռիի ճակատամարտ
482 թվական — Ներսեհապատի ճակատամարտ
482 թվական — Ճարմանայի ճակատամարտ
- Բերեք փաստեր և հիմնավորեք, որ 6-9-րդ դարերում հայ ժողովուրդը չի կորցրել սեփական անկախ պետականությունը վերականգնելու վճռականությունը և շարունակել է ազատագրական պայքարը նվաճողների դեմ:
6-9 -րդ դարերում հայ ժողովուրդը մշտապես պայքարել է Բյուզանդիայի և Պարսկաստանի գերիշխանությունից ազատվելու և ինքնիշխանությունը վերականգնելու համար։ Բացի դրանից, արաբները ևս անընդհատ ապստամբում են Հայաստան։ Չնայած դրան, հայերը միշտ համառ դիմադրություն են ցույց տալիս։ Հայերն անընդհատ փորձում են դաշնակիցներ գտնել, որպեսզի կարողանային վերականգնեին պետականությունը։ 7-րդ դարի երկրորդ կեսը նշանավորվեց Հայաստանի ամբողջականության և անկախության վերականգմամբ։
Այս հարցերին պատասխանելու համար օգտվեք Հայոց պատմություն, 7-րդ դասարան, էջ 6-74
1.Ներքին և արտաքին ինչ նպաստավոր պայմաններ էին ստեղծվել բուն Հայաստանում Բագրատունյաց թագավորության և Կիլիկիայում հայկական պետության ստեղծման համար:
8-րդ դարի ընթացքում և 9-րդ դարի առաջին կեսին արաբական խալիֆայության դեմ հայ ժողովրդի մղած ազատագրական պայքարը ցանկալի արդյունք տվեց։ 855թ․ Աշոտ Բագրատունին խալիֆի կողմից ճանաչվել էր հայոց իշխան և սպարապետ։ Եվ արաբները, բացի Դվինից, լուծարեցին Հայաստանի իրենց զորակայանները և մյուս քաղաքներից դուրս բերեցին զորքերը։ Աշոտ Բագրատունին կարողացավ իր ազդեցությունը տարածել նաև վրաց և աղվանից իշխանների վրա։ Նա վերակազմավորեց բանակը, և փաստորեն ինքնավար թագավորության տեր էր։ Երբ 855թ․ Հայաստանը ձեռք բերեց փաստական անկախություն, սկսվեց պայքար Բագրատունիների ստեղծած պետականության միջազգային ճանաչման համար։ Կային Հայաստանի անկախության վերականգնման բոլոր նպաստավոր պայմանները, քանի որ արաբական խալիֆայությունը թուլացել էր։
2. ներկայացրեք և բնութագրեք հայ Բագրատունի նշանավոր արքաներին: Ինչ կարևոր իրադարձություններ են տեղի ունեցել նրանց օրոք:
1 | Աշոտ Ա | 885‑890 թվականներ | Հայաստանը ձեռք բերեց փաստական անկախություն Վերակառուցվեց Կարսը Ամրապնդվեցին կապերը վրացիների և աղվանների հետ |
2 | Սմբատ Ա | 890‑914 թվականներ | Բարեկամության և առևտրական պայմանագիր կնքեց Բյուզանդիայի հետ: Արագածոտն գավառի Դողս գյուղում հայոց զորքերը Սաջյան ամիրայի նկատմամբ տարան փայլուն հաղթանակ և արաբներին վտարեցին Հայաստանից: |
3 | Աշոտ Բ Երկաթ | 914‑928 թվականներ | 921. թվականին Սևանի ճակատամարտում հայերը հաղթեցին արաբներին Նա իր թագադրության վայրը` Երազգավորսը, ընդարձակեց և դարձրեց մայրաքաղաք։ Աշոտի գահակալության վերջում երկրում սկսվեց խաղաղ շինարարական ժամանակաշրջան: |
4 | Աբաս Ա Բագրատունի | 928-953 թվականներ | Նա երկրի մայրաքաղաքը Երազգավորսից տեղափոխեց իր նստավայրը՝ Կարս, որը կարճ ժամանակում կառուցապատվեց, ընդարձակվեց և դարձավ Հայաստանի կարևոր քաղաքներից: Կառուցվեց Առաքելոց եկեղեցին |
5 | Աշոտ Գ Ողորմած | 953-977 թվականներ | Երկրում տարվեց մեծ շինարարական աշխատանքներ 961 թ. Աշոտ III–ը մայրաքաղաքը Կարսից տեղափոխեց Շիրակի Անի քաղաքը: Այնտեղ էլ նա օտարերկրյա հյուրերի և հայ իշխանների ներկայությամբ մեծ հանդիսավորությամբ թագադրվեց Անանիա Մոկացու ձեռքով։ 963–964 թթ. կառուցել էր Անիի աշտարակներով պարիսպների առաջին գիծը |
6 | Սմբատ Բ Տիեզերակալ | 977-990 թվականներ | Երկրում շինարարական աշխատանքն ավելի մեծ չափեր ընդունեց Սմբատ II Տիեզերակալ թագավորի օրոք։ Սմբատը կառուցեց Անիի պարիսպների երկրորդ գիծը։ Սմբատ II–ը ոչ միայն կարողացավ կասեցնել Դվինի ամիրայի հար- ձակումը, այլև 987 թ. վերջ տալ այդ ամիրայության գոյությանը: |
7 | Գագիկ Ա Շահնշահ | 990-1020 թվականներ | Բագրատունյաց Հայաստանն իր քաղաքական ու տնտեսական վերելքի գագաթնակետին հասավ Գագիկ I–ի օրոք: 1001 թ. Տաշիր–Ձորագետի (Լոռի) թագավոր Դավիթն ապստամբեց Գագիկ I-ի դեմ և հրաժարվեց նրա գերիշխանությունը ճանաչելուց: Գագիկը հարձակվեց այդ թագավորության վրա և Դավթին զրկեց իր հողերից: Պատմիչները դրա համար վերջինիս հիշատակում են Դավիթ Անհողին անունով: Շուտով Դավիթը զղջաց իր արարքի համար, ներում խնդրեց Գագիկից և հետ ստացավ իր տիրույթները: 1001. թվականին կառուցվեց Մայր տաճար՝ Կաթողիկեն։ |
8 | Հովհաննես-Սմբատ | 1020-1041 թվականներ | Արքունիքում ուժեղացած բյուր ուժերի ճնշման տակ Հովհաննես Սմբատը կտակ գրեց՝ իր մահվա նից հետո Անին Բյուզանդիային հանձնելու մասին: Այդ կտակը դավաճանաբար ուղարկվեց կայսրին և գաղտնի էր պահվում հայ հասարակությունից : Փաստորեն, Հովհաննես Սմբատը խախտեց եղբոր հետ կնքած համաձայնագիրը՝ իր մահվանից հետո ամբողջ թագավորությունը Աշոտին թողնելու վերաբերյալ: |
9 | Աշոտ Դ | 1022-1042 թվականներ | Աշոտ IV–ը գլխավորում էր երկրի միավորման համար մղվող պայքարը: Ամենայն հավանականությամբ Աշոտ IV–ը, կարճ ժամանակ անց նաև Հովհաննես–Սմբատը զոհ են դարձել բյուզանդացիների կազմակերպած խար դավանքներին: |
10 | Գագիկ Բ | 1042—1045 թվականներ | Չնայած իր երիտասարդ տարիքին՝ Գագիկը կարողացավ կարգ ու կանոն հաստատել երկրում, բանակը վերակազմավորել: |
3. Կիլիկյան Հայաստանի գահակալներից ով է ձեզ դուր եկել. Տվեք նրա պատմական բնութագիրը:
Ինձ շատ է դուր եկել Լևոն մեծագործը։ Լևոն Բ ոչ միայն քաջ զորավար էր, այլև հմուտ դիվանագետ: Դինաստիական ամուսնությունների միջոցով նա ամրապնդեց իր և իր պետության դիրքերը Արևելքում: Մասնավորապես, հայոց արքան կնության առավ Կիպրոսի արքայադուստր Սիպիլ Լուսինյանին, Ռուբեն Գ դուստրերին ամուսնացրեց Անտիոքի և Նիկիայի տիրակալների հետ, հետագայում իր դուստրերին ամուսնացրեց Երուսաղեմի թագավորի և Հունգարիայի արքայազնի հետ:
Լևոն Բ նաև շինարար էր. նրա թագավորության օրոք Կիլիկիայում հսկայածավալ շինարարություն կատարվեց. կառուցվեցին ամրոցներ, արգելապատնեշներ, պալատներ…ռազմական, հոգևոր, կենցաղային նշանակության շինություններ, կատարելագործվեցին երկրի կառավարման, պետական մարմինները, ստեղծվեց մշտապես գործող 60 000 հզոր ու լավ սպառազինված բանակ:
Իր հզորության ու մեծագործության համար կիլիկիո առաջին արքան պատմության մեջ մտավ որպես Լևոն Մեծագործ:
4.Ովքեր էին Զաքարյանները: Ներկայացրեք նրանց ստեղծած իշխանապետությունը:
Զաքարյանների իշխանապետությունը ավատատիրական պետություն էր Հյուսիսարևելյան Հայաստանում՝ Զաքարյան իշխանատոհմի գլխավորությամբ: Զաքարյանները ըստ հայ պատմագիրների, ծագել են Մեծ Հայքի Կորճայք նահանգի Կարթունիք գավառից Հյուսիսային Հայաստան գաղթած Արծրունիների մի ճյուղից:
Նրանք կառավարել են XII (12) դարի վերջից XIV (14) դարի կես։ Իշխանապետության հիմնադիր Սարգիս Զաքարյանի (Սարգիս Մեծ) հոր՝ Զաքարիայի անունով հայ մատենագրության մեջ տոհմը կոչվել է Զաքարյան: Զաքարյանների տոհմական դամբարանը գտնվում է Սանահինի վանքում:
Վրացական աղբյուրներում Զաքարյանների տոհմը կոչվում է Մխարգրձելի՝ Երկայնաբազուկ, Երկայնաթիկունք։
Զաքարյանների օրոք Վրաստանում ապաստանում էր զգալի թվով հայ բնակչություն։ Զաքարյանների դիրքը վրաց արքունիքում բավականին ամրապնդված էր։ Նրանք Հայաստանի ազատագրման գործում զգալի հաջողությունների հասան՝ ծավալելով հերոսական մարտեր։
5. Ինչ հետևանքներ ունեցան մոնղոլների տիրապետությունը Հայաստանի համար:
Հայաստանը XIII դ. առաջին կեսին, ի թիվս այլ երկրների, ենթարկվեց մոնղոլների արշավանքներին։ 1230-ական թվականների երկրորդ կեսից մինչև 1240-ական թվականների առաջին կեսը մոնղոլները գրավեցին ամբողջ երկիրը՝ հաստատելով իրենց դաժան տիրապետությունը։ Մոնղոլական տիրապետության շրջանում շատ իշխանական տներ հեռացան պատմական ասպարեզից։ Սակայն, չնայած դաժան պայմաններին, հայ ժողովուրդը շարունակեց պայքարն օտար տիրապետության դեմ։
Այս հարցերին պատասխանելու համար օգտվեք Հայոց պատմություն , 7-րդ դասարան, էջ 75-143
Բացատրել հասկացությունները:
Աթաբեկ-Վրացական արքունիքում թագաժառանգի խնամակալը
Ամիրայություն-Հայաստանի տարածքում ստեղծված վարչաքաղաքական միավոր արաբական տիրապետության ժամանակաշրջանում:
Ամիրսպասալար — Միջնադարյան վրացական թագավորությունում՝ սպարապետը։
Աշխարհագիր — Հարկերը կարգավորելու նպատակով հողերի, ունեցվածքի և բնակչության հաշվառումը։
Ավատատիրություն — Միջնադարյան հասարակության անվանումը. գերակշռող դարձավ հողային մասնավոր սեփականությունը՝ ավատը:
Ատրուշան — Կրակատուն կրակապաշտ պարսիկների պաշտամունքի տեղը, որտեղ կրակը միշտ վառ էր պահվում:
Բազիլիկ — Անտիկ և միջնադարյան շրջանիտաճարային շինությանոճ երկայնակի քառանկյունու ձև ուներ, որի ներսը բաժանված է երկու սյունաշարով:
Գանձագին — Առուվաճառքի ենթակա մասնավոր կալվածքների անվանումը:
Գործակալություն — Պետական վարչություններ, որոնց միջոցով իրականացվում էր երկրի կառավարումն ու պաշտպանությունը:
Գունդստաբլ — Կիլիկյան Հայաստանում բանակի ընդհանուր հրամանատարը՝ սպարապետը:
Երդ — Վաղ միջնադարում հարկատու միավորի՝ գերդաստանի անվանումը:
Կանցլեր -Կիլիկյան Հայաստանում արքունի քարտուղարություն գործակա լության ղեկավարը, վարում էր բանակցություններ օտար երկրների ներկայացուցիչների հետ:
Հայրենական հողեր կամ հայրենիք — Հայաստանում հորից որդուն ժառանգաբար անցնող մասնավոր հողային խոշոր սեփականության անվանումը:
Մամլուք — Եգիպտոսի սուլթանի անձնական գվարդիայում ծառայող գնված ստրուկներ: 1250 թ. մամլուքները զավթեցին իշխանությունը Եգիպտոսում:
Շահապ — Միջնադարում քաղաքի կառավարիչ՝ քաղաքագլուխ:
Պարգևականք — Պետական պաշտոնյաներին և զինվորականներին ծառայության դիմաց թագավորի և խոշոր նախարարների շնորհած՝ պարգևած հողերի՝ անվանումը:
Պայլություն — Կիլիկյան Հայաստանում խնամակալության գործակալություն: Այն գլխավորող գործակալը՝ պայլը, թագավորի առաջին խորհրդականն էր, իսկ թագավորի բացակայության դեպքում փոխարինում էր նրան:
Սենեսկալ — Արքունի պալատի կառավարիչ, տնօրինում էր արքունի եկամուտներն ու ծախսերը:
Սեպուհ-նախարարական տոհմից սերած իշխան հին Հայաստանում:
Սպասալար-զորապետ, հրամանատար
Վարդապետարան-կրոնական միաբանություն
Լրացնել թվականները
301թ.-Քրիստոնեության հռչակումը որպես Հայաստանի պետական կրոն
350-368թթ-Արշակ II-ի գահակալումը
354թ -Աշտիշատի ժողովի գումարումը
363թ — Պարսկաստանի և Հռոմեական կայսրության միջև «ամոթալի» պայմանագրի կնքումը
370-374թթ — Պապի գահակալումը
371թ -Ձիրավի ճակատամարտը
405 — Հայոց գրերի գյուտը
451թ մայիսի 26 -Ավարայրի ճակատամարտը
481-484թթ — Վահանանց ապստամբությունը
484թ — Վաչագան Բարեպաշտի գահակալման սկիզբը
591թ -Դվինի երկրորդ եկեղեցական ժողովի գումարումը
639թ — Հայաստանի արևելյան և արևմտյան մասերի վերամիավորումը Հայոց իշխան և սպարապետ Թեոդորոս Ռշտունու գլխավորությամբ
640թ — Արաբական ներխուժումների սկիզբը Հայաստան
869թ — Զաքարիա Ձագեցու նախաձեռնությամբ հայ իշխանների ժողովի հրավիրումը, Աշոտ Բագրատունուն արքա հռչակելու մասին որոշման ընդունումը
885թ, օգոստոսի 26 — Գևորգ Գառնեցու կողմից Աշոտ Բագրատունուն Հայաստանի թագավոր օծելը
961թ — Անիի հռչակվելը մայրաքաղաք
1071թ — Մանազկերտի ճակատամարտը. Բյուզանդիայի պարտությունը սելջուկներից
1187-1219թթ — Լևոն II Ռուբինյան, 1198 թ. հունվարի 6–ից` Կիլիկյան Հայաստանի թագավոր
1254թ. Աշուն — Հայ–մոնղոլական պայմանագրի կնքումը Կարակորումում Մանգու խանի և Հեթում I–ի միջև