1.ինչ է նշանակում «ֆիզիկա» բառը
«Ֆիզիկա» բառը առաջացել է հունարեն «ֆյուզիս»` բառից, որը նշանակում է բնություն:
2.որն է ֆիզիկայի հիմնական խնդիրը
Ֆիզիկայի հիմնական խնդիրը շրջակա աշխարhը և այնտեղ տեղի ունեցող երևույթները բացատրելն է։ Միաժամանակ կարևոր է այն օրենքների իմացությունը, որոնց ենթարկվում է բնությունը։
3.ինչ է ուսումնասիրում ֆիզիկան
Ֆիզիկան ուսումնասիրում է բնության օրենքները:
4.քննարկել ինչ է բնությունը
Բնությունն այն ամենի ամբողջությունն է, ինչը շրջապատում է մարդուն` ջուրը, օդը, հողը, ծառերը, կենդանիները, աստղերը, մոլորակները և այլն։ Մարդը նույնպես բնության մաս է։
5.ինչ ես հասկանում բնության երևույթ ասելով
Բնության երևույթ ասելով հասկանում ես ցանկացած փոփոխություն, որը տեղի է ունենում բնության մեջ։ Օրինակ՝ արեգակի ջերմացնելը, անձրևի գալը, ծիածանի հայտնվելը։
6.ինչ է նյութը։
Այն ինչից բաղկացած են ֆիզիկական մարմինները կոչվում է նյութ, օրինակ՝ պղինձ, երկաթ, օդ, փայտ, ջուր, օդ և այլն։
7.թվարկել ֆիզիկական երևույթների տեսակները
ֆիզիկական երևույթների տեսակներն են՝ մեխանիկական, ջերմային, էլեկտրական, մագնիսական, լուսային, ատոմային, միջուկային։
8.ինչ է ֆիզիկական մարմինը:
Մեզ շրջապատող յուրաքանչյուր առարկա ընդունված է անվանել ֆիզիկական մարմին կամ պարզապես մարմին։ Օրինակ՝ սեղան, գրիչ, գնդակ, բաժակ։
9.:Բերեք օրինակներ:10.ինչ է մատերիան
Այն ամենը, ինչ գոյություն ունի տիեզերքում ՝ երկնային մարմիններ, բույսեր, կենդանիներ, և այլն գիտության մեջ անվանում են մատերիա:
11.ինչպես ենք գիտելիքներ ձեռք բերում բնության երևույթների մասին
Բնության երևույթների մասին շատ գիտելիքներ ձեռք են բերվում դիտումներով և փորձերով։
12.ինչ է փորձը և ինչով է այն տարբերվում դիտումից
Ի տարբերություն դիտումների, փորձերը հնարավորություն են տալիս նույն պայմաններում բազմիցս կրկնելու ուսումնասիրվող երևույթը և հատուկ սարքերով կատարելու համապատասխան չափումներ։
13Ինչ է վարկածը։Ինչ է օրենքը։
Ուսումնասիրվող երևույթը բացատրելու համար նախ արվում է որոշակի ենթադրություն կամ ինչպես ընդունված է ասել առաջադրվում է վարկած։
14..Ինչ է նշանակում չափել որևէ ֆիզիկական մեծություն:
Չափել որևէ ֆիզիկական մեծություն նշանակում է այն համեմատել նույնատիպ մեծության հետ, որն ընդունված է որպես միավոր։ Օրինակ՝ չափել սեղանի երկարությունը, նշանակում է այն համեմատել որևէ երկարության միավորի, օրինակ մետրի հետ։
15.Երկարության հիմնական և այլ միավորները:Չափման գործիք
Երկարության հիմնական միավորը մետրն է, ժամանակի միավորը՝ վայրկյանը, զանգվածի միավորը՝ կիլոգրամը և այլն։
16․Երկարության հիմնական և այլ միավորները:Չափման գործիք
Երկարության հիմնական միավորը մետրն է, ժամանակի միավորը՝ վայրկյանը, զանգվածի միավորը՝ կիլոգրամը և այլն։
17.Ինչ է չափիչ սարքի սանդղակ
Չափիչ սարքերը ունեն բաժանումների գծիկներ և յուրաքանչյուր գծիկի մոտ թիվ է գրված։
18․Որն է չափիչ սարքի չափման սահմանը
Չափիչ սարքի սանդղակի ամենամեծ արժեքը կոչվում է սարքի չափման սահման։
19․Ինչն են անվանում սանդղակի բաժամնման արժեք
Երկու հարևան գծիկների միջև հեռավորությունը կոչվում է սանղակի բաժանման արժեք։
20.Ինչից է կախված չափման սխալը
Չափման սխալը կախված է բաժանման արժեքից։
21.Ինչն են անվանում մեխանիկական շարժում
Ժամանակի ընթացքում մարմնի դիրքի փոփոխությունը այլ մարմինների նկատմամբ, կոչվում է մեխանիկական շարժում։
22.որ մարմինն են անվանում հաշվարկման մարմին
Այն մարմինը, որի նկատմամբ դիտարկվում է այլ մարմինների շարժումը , կոչվում է հաշվարկման մարմին։
23.Ինչն են անվանում նյութական կետ
Այն մարմինը, որի չափերը տվյալ պայմաններում կարելի է անտեսել, կոչվում է նյութական կետ։
24.Ինչն են անվանում շարժման հետագիծ
Հետագիծ անվանում են այն գիծը, որով տվյալ հաշվարկման համակարգում շարժվում է մարմինը, օրինակ՝ մեծ բարձրությամբ թռչող ինքնաթիռը թողնում է տեսանելի հետք։
25.Ինչն են անվանում մարմնի անցած ճանապարհ
Հետագծի այն տեղամասի երկարությունը, որով շարժվել է մարմինը որոշակի ժամանակամիջոցում, կոչվում է այդ ժամակամիջոցում մարմնի անցած ճանապարհ։
26.Ինչով է տարբերվում հետագիծն անցած ճանապարհից:
Ճանապարհը չափելի է, ունի երկարության միավոր, իսկ հետագիծը՝ ոչ։
27.Ո՞ր շարժումն է կոչվում հավասարաչափ:
Այն շարժումը, որի ընթացքում մարմինը կամայական հավասար ժամանակամիջոցներում անցնում է հավասար ճանապարհներ, կոչվում է հավասարաչափ շարժում, օրինակ՝ ժամացույցի սլաքների ծայրերը։
28․Ո՞ր մեծությունն է կոչվում հավասարաչափ շարժման արագություն ՝գրել բանաձևը
Հավասարաչափ շարժման արագությունը ֆիզիկական մեծություն է, որը հավասար է մարմնի անցած ճանապարհի հարաբերությանը այն ժամանակամիջոցին, որի ընթացքում մարմինը անցել է այդ ճանապարհը։
v=s/t
արագություն=ճանապարհ/ժամանակամիջոց
29.Ի՞նչ միավորներով է չափվում արագությունը՝ՄՀ-ում
Միավորների միջազգային համակարգում որպես արագության միավոր ընդունված է այն հավասարաչափ շարժման արագությունը, որի դեպքում մարմինը 1 վայրկյանում անցնում է 1 մետր ճանապարհ։ Այդ միավորը նշանակում են 1 մետր/վայկյան
30.Ինչպե՞ս որոշել հավասարաչափ շարժվող մարմնի անցած ճանապարհը,եթե հայտնի է նրա արագությունը ու շարժման ժամանակը,գրել բանաձևը
s=vxt
Մարմնի անցած ճանապարհը հավասար է նրա արագության և շարժման ժամանակի արտադրյալին։
31.Ինչպե՞ս որոշել հավասարաչափ շարժման ժամանակը,եթե հայտնի են մարմնի արագությունն ու ճանապարհը,գրել բանաձևը:
t=s/v
Հավասարաչափ շարժման ժամանակը որոշելու համար պետք է մարմնի անցած ճանապարհը բաժանել նրա արագությանը։
32․Ինչպե՞ս է շարժվում մարմինը,եթե նրա վրա այլ մարմիններ չեն ազդում
Եթե մարմնի վրա այլ մարմիններ չեն ազդում, ապա այն պահպանում է դադարի կամ ուղղագիծ հավասարաչափ շարժման վիճակը։
33․Ո՞ր երևույթն է կոչվում իներցիա
Այլ մարմինների ազդեցության բացակայությամբ մարմնի դադարի կամ ուղղագիծ հավասարաչափ շարժման վիճակը պահպանելու երևույթը կոչվում է իներցիա։
34․Ինչու՞ է վտանգավոր թռչել շարժվող ավտոբուսից
Մարդու թռիչքի ուղղությունը չի համապատասխանի ավտոբուսի ուղղության և արագության հետ, այդ իսկ պատճառով մարդն իրեն կվնասի։