Թեստային աշխատանք, 8-րդ դասարան

1. Տրված կաղապարներով կազմել համածանցավոր բառեր:
   Անկանխելիություն
   անտանելի
   անօգնական
   դժվարություն
   համադասություն
   համադասարանցի
   հակամարտություն
   ստորգետնյա
   փոխկապակցություն:
2. Կազմել բարդ բառեր` տրված արմատները գործածելով մի դեպքում բառասկզում, մյուս դեպքում`բառավերջում:
   Զրույց-զրուզակից, հարցազրույց
   գույն-գույնզգույն, բազմագույն
   վեճ-վիճաբանություն, բանավեճ
   տուն-տնամերձ, հացատուն
   բույս-բուսաբան, դեղաբույս
   մատյան-մատենադարան, դասամատյան
   երկու-երկվորյակ, քսաներկու
   սեր-սիրահար, բազմասեր
   ձայն-ձայնալար, բարձրաձայն
   ուղի-երկաթուղի, ուղեվճար
   3. Հետևյալ դարձվածքներով մեկական նախադասություն կազմել:
   Լեղին ճաքել-Խեղճի լեղին ճաքեց այդ սարսափազդու դեպքից հետո։
   արյունը գլխին խփել-Մորը գետնին ընկած տեսնելով՝ արյունը խփեց նրա գլխին։
   հոգին ավանդել-Վերջին պատգամն ասաց որդիներին և հոգին ավանդեց։
   անարգանքի սյունին գամել-Առանց պատճառի անարգանքի սյունին գամեցիք խեղճին։
   ճամփա պահել-Ճամփա պահեցինք մինչև նրա գալը։
   ականջի հետև գցել-Ականջի ետև մի՛ գցի և անպայման կատարիր ասածներս։
   4.Համացանցից գտնել Աստվածաշունչ մատյանից առաջացած հետևյալ թևավոր խոսքերի նշանակությունը:
   Արգելված պտուղ-Արգելված պտուղ նշանակում է մի այնպիսի բան, որը հաճույք է պատճառում, բայց այն անթույլատրելի է։ Աշխարհում շատ արգելված պտուղներ կան, օրինակ՝ թմրանյութը, զենքերը, որոնք չի թույլատրվում օրենքով պահել տանը, և այլն:
   
   
   Սոդոմ և Գոմոր-Ըստ Հին Կտակարանի ավանդության՝ հնագույն քաղաքներ Սիդդիմի դաշտում, որոնք երկու այլ քաղաքների հետ կործանվել են «երկնային հրով», ապա ծածկվել Սոդոմա ծովակի (Մեռյալ ծովի) ջրով՝ ի պատիժ իրենց բնակիչների մեղքերի։
   
   
   քավության նոխազ-Անմեղ մարդ, որ զոհ է բերվում ուրիշների հանցանքը մաքրելու համար։
   
   բաբելոնյան աշտարակաշինություն-Ըստ բիբլիական առասպելի՝ Բաբելոնում երկնահաս աշտարակ կառուցելու փորձը, որ հաջողություն չունեցավ, որովհետև աստված խառնակեց մարդկանց լեզուները, և նրանք դադարեցին միմյանց հասկանալուց:
   
   5.Տրված միտքը փոխադրել 5 նախադասությամբ:
   Կալանավորի փախուստը Սան Մարինո գաճաճ պետության բանտից բանտի աշխատակիցներին շատ անհանգստացրեց, որովհետև նա միակ բանտարկյալն էր:
   
   
   Սան Մարինոն պետություն է։ Այն գաճաճ պետություն է։ Դրա բանտում կար մեկ կալանավոր։ Եվ այդ կալանավորը փախել էր բանտից։ Այդ պատճառով տեղի աշխատակիցները շատ էին անհանգստացել։
   
   6. Կետադրի՛ր նախադասությունները:Հույները ծովերի աստված Պոսեյդոնին եզ էին զոհաբերում՝ որպես ջրային տարերքի հզորության խորհրդանիշ:
   Քարակերտ ու կղմինդրածածկ փոքրիկ տունը՝ որպես շքեղ ապարանք, առանձնանում էր գյուղի խարխուլ տների մեջ:
   Նկարահանող խցիկի մոտ անփույթ կանգնած էր Ջեկը՝ իբրև իր արժեքն իմացող անփոխարինելի օպերատոր:
   Տուփից ուղիղ դեպի կինը դուրս թռավ թունավոր կանաչ օձը՝ իբրև դիպուկ նետված փետտրագնդակ:
   Իբրև սուրացող շնաձկանը կպած խխունջներ՝ կառչել էինք վազող կենդանուց:
   Լեռների ու բլուրների մեծ մասը՝ որպես հրաբխային ժայթքման զավակներ, վեր են նետված ստորերկրյա հզոր ուժերի կողմից:
   
   7.Սխալ գրված բառերն ու բառակապակցությունները ուղղի՛ր:
   Բացի աղջիկը (աղջկանից), բոլորն ուզում էին ուրիշ քաղաք տեղափոխվել: 
   Սիրահարված եմ ձեր երկրի վրա (երկրին):
   Հալվում, մաշվում էր հարազատ տան ու ընկերների կարոտով (կարոտից):
   Կարոտում էր անգամ իրենց փողոցի ծառերը (ծառերին)։
   Ի՞նչ է նշանակում ընկերությունը (ընկերությանը) դավաճանել:
   Խոսքը վերաբերվում է (վերաբերում է) քեզ ու քո ցանկություններին:
   Ինչպե՞ս ես վերաբերում (վերաբերվում) նրանց:
   Քույրս երրորդ դասարան է (դասարանում է)։
   Բաժակը ձեռքն էր (ձեռքին էր), որ մտավ:
   Շատ լավ է տիրապետում անգլերենը (անգլերենին):
   Բացի դա (այդ), ազատ ժամանակն ու արձակուրդն անցկացնում էր պրոֆեսորին ոչ սազական եղանակով:
   Մուգ ակնոցներիդ (ակնոցիդ) պատճառով աչքերդ չեմ տեսնում: