Ընդգծված բառերը փոխարինի´ր տրված հոմանիշներով: Տրված և ստացված տեքստերը համեմատի´ր (բացի բառերից՝ ի՞նչ է փոխվել):
Կողք, գույն, ճամփա, գնալ, գնացող, պատել, կուզ, տափակ, ծռված, թեքել, ձանձրալի, ամպ, անտարբեր, հենց, խառնվել, սար:
Ճանապարհի եզրով(ճամփի կողքով), շղթա կազմած, դանդաղ ընթանում են(գնում են) ուղտերը: Նրանք ներկված են անապատի երանգով(գույնով), սապատները(կուզերը) մաշված են ու կախված(ծռված) են մի կողքի: Սլացող(գնացող) ավտոմեքենաների բարձրացրած փոշին թուխպի(ամպի) նման պարուրում է(պատել են) նրանց, բայց ուղտերն անվրդով շրջում(անտարբեր թեքում) են գլուխները: Անապատը տաղտկալի(ձանձրալի) է ու միօրինակ, նա հեռու հորիզոնում ձուլվում է(խառնվում է) իր նման գորշ ու տաղտկալի երկնքին:
Ո´չ բլուր(սար) է երևում, ո´չ ցածրավայր: Ահա(Հենց) այստեղ էլ հեռավոր ժամանակներում մարդիկ որոշեցին, որ Երկիրը տափարակ(տափակ) է:
Կետերի փոխարեն գրի´ր տրված հոմանիշներից մեկը (ամենահարմարը):
Մեկ էլ, թթի կարմիր շիրան պռոշներին, ներս ընկավ պուճուր տղան՝ շոգից կարմրած թշերով (թշերով, այտերով):
Հյուրը քթի տակ բարի ծիծաղում (հռհռում, քմծիծաղում, ծիծաղում, ժպտում) էր երեխայի շատախոսության վրա:
Առաջ բերեցին նրա զտարյուն (ազնվատոհմ, վեհազգի, զտարյուն) նժույգը:
Լքված նավը կամաց-կամաց խորտակվում (սուզվում, իջնում, խորտակվում, ընկղմվում) էր:
Նրա բոլոր հույսերը խորտակվում (սուզվում, խորտակվում,ընկղմվում) էին:
Տրված բառերն ըստ հոմանիշության բաժանի´ր հինգ խմբի:
Մնացուկ, ոստ, մնացորդ, շյուղ, թափոն, մառան, նկուղ, կասկած, թերմացք, նախատինք, տարակույս, պարսավանք, հանդիմանություն, տարակուսանք, շտեմարան, երկմտություն, թափթփուկ, շիվ, կշտամբանք, ճյուղ, ավելցուկ, անարգանք:
Մնացուկ-մնացորդ, թափոն, թերմացք, թափթփուկ, ավելցուկ
Ոստ-շյուղ, շիվ, ճյուղ
Մառան-նկուղ, շտեմարան
Կասկած-տարակույս, տարակուսանք, երկմտություն
Նախատինք-պարսավանք, հանդիմանություն, կշտամբանք, անարգանք
Ընտրիր ընդգծված բառերից ճիշտը և տեղադրիր նախադասության մեջ:
1. Նրա խոսքի վերջին մասը բուռն քննարկումների տեղիք տվեց:
2. Հարևանի քար անտարբերությունը վրդովել էր ծերունուն:
3. Մեր նախնիների մասին ավանդությունը պատմում է նրանց սխրանքների մասին:
4. Դու շատ թյուր կարծիք ունես իմ ընդունակությունների մասին:
5. Այս տարի մեր գյուղում այգեբացը սկսվեց մարտի վերջին:
6. Աշխենի գեղեցիկ գանգուրները ծածանվում էին քամուց:
7. Հենց բլրի վրա էլ Արգիշտին զարկեց իր վրանը:
8. Վկաները ցուցմունք տալիս շատ էին հուզվում:
9. Հեղինեի հնչուն ծիծաղը շատ էր ոգևորել բոլորին:
10.Հանձինս ընկերների նա շատ լավ բարեկամներ ուներ:
Տրված բառերում մեկ տառը փոխելով` ստացիր նոր բառ և տուր երկու բառերի բացատրությունները:
Ականակիտ, այգաբաց, անութ, աշտանակ, թափոր, կտրիճ, հարել, հերկել, հրատարակել, մածուկ, բուրդ, սալոր, դռնակ, բառարան, պարտեզ, դասարան, գնդիկ, հեռագիր, :
Ականակիտ-փայլուն, շողշողուն
ականակիր-շատ մութ
Այգաբաց-լուսաբաց
այգեբաց-խաղողի վազերը բացելը՝ հողից ազատելը
Անութ-թևատակ
անոթ-զանազան նյութեր մեջը լցնելու՝ պահելու խորունկ աման
Աշտանակ-ճրագակալ
աշտարակ-շրջանաձև՝ քառակողմ կամ բազմակողմ բարձր ու նեղ կառուցվածք՝ որպես շինության մաս կամ առանձին կառույց
Թափոր-հանդիսավոր երթ
թափոն-որևէ բանի անպետք՝ թափելու ենթակա մնացորդ
Կտրիճ-քաջ
կտրիչ-կտրող սայր՝ բերան ունեցող գործիք զանազան բաներ կտրելու համար
Հարել-կպցնել
վարել-ղեկավարել
Հերկել-տրակտորով՝ գութանով ևն հողը ճեղքել ու որոշ հաստությամբ շերտ շուռ տալ՝ ցանելու համար, վարել
հերքել-ժխտել
Հրատարակել-տպագրել և լույս ընծայել
հրապարակել-հրապարակ հանել, լուր տարածել, հռչակել
Մածուկ-բջջանյութի թանձր մածուցիկ լուծույթ սպիրտի և եթերի խառնուրդի մեջ, որ օգտագործվում է բժշկության և լուսանկարչության բնագավառում, կոլոդիում
մածուն-հատուկ մերանով կաթից ստացվող մթերք
Բուրդ-կաթնասունների մազե ծածկը՝ մորթի վրա
բարդ-դժվար
Սալոր-դեղնաշլոր
սալոն-պատկերասրահ
Դռնակ-փոքր դուռ
բռնակ-առարկաների վրա հարմարեցրած մաս՝ ձեռքով բռնելու համար, բռնելու տեղ
Բառարան-գիրք, որի մեջ որոշ կարգով ամփոփված են տվյալ լեզվի բառերը՝ բացատրությամբ կամ այլ լեզվով թարգմանված:
վառարան-բնակարանը տաքացնելու մետաղյա կամ քարե հարմարանք, որի մեջ վառելիք են լցնում և վառում:
Պարտեզ-պտղատու ծառեր՝ ծաղիկներ ևն աճեցրած հողամաս
պարտել-հաղթել, պարտության մատնել
Դասարան-դպրոցի սենյակ, որի մեջ դասեր են տեղի ունենում, դասասենյակ
դատարան-պետական մարմին, որ վարում է քրեական դատավարությունը և լուծում քաղաքացիական վեճերը:
Գնդիկ-փոքր գունդ
գնդակ-բրդի թելից՝ կաշվից՝ ռետինից պատրաստված գնդաձև խաղալիք
Հեռագիր-հեռագրագծով հաղորդված տեղեկություն
ձեռագիր-ձեռքով գրված