Առաջադրանք 1.
Արտաշիսյան արքայատոհմ/մ.թ.ա.189-մ.թ.1թթ./
1.Փորձիր սահմանել զինանշան բառի հասկացությունը:
Զինանշան, կրողի պատմական ավանդույթներն արտահայտող պատկերների ու առարկաների համադրությամբ խորհրդանշանային ժառանգական տարբերանշան։
- պատկերիր քո պատկերացրած Արտաշեսյանների զինանշանը
- գտիր իրական զինանշանը, տուր բացատրությւոնը,ապացուցիր, որ դա հենց Արտաշեսյաններին է պատկանում:
Արտաշեսյանների զինանշանում արծիվ է, որը հոշոտում է հովազին, դա ցույց է տալիս ազգի քաջությունը, խիզախությունը և ալյն։
Արտաշեսյանների թագավորություն, Մեծ Հայքի 3 թագավորական հարստություններից Արտաշեսյան դինաստիայի հիմնած պետությունը Հայկական լեռնաշխարհի տարածքում։ Գոյատևել է շուրջ 2 դար՝ մ.թ.ա. 189 — մ.թ. 1: Տարածքը կազմել է նվազագույնը 250 000 քառ. կմ (Արտաշես Բարեպաշտի գահակալման առաջին տարիներին), առավելագույնը՝ 3 000 000 քառ. կմ՝ Տիգրան Մեծի օրոք։
2.Արտաշես Առաջինի կառավարման թվականները
Արտաշես Առաջինը կառավարել է Ք․Ա 189-160 թվականներին։
3.Ներկայացրու, Արտաշես Առաջինի վարչական, ռազմական, հողային բարեփոխումները, հիմնավորիր դրանց կարևորությունը:
Արտաշես Առաջինը զորքը բաժանեց 4 սահմանակալ զորավարությունների՝ ըստ աշխարհի 4 կողմերի։
Վարչական բարեփոխմամբ Մեծ Հայքի տարածքը բաժանվեց 120 գավառների։
Արտաշես Առաջինն արգելեց նաև գյուղացիների հողակտորների զավթումը։ Նա սահմանաբաժան քարեր տեղադրել տվեց համայնական և մասնավոր հողերի միջև։
Այս բարեփոխումների շնորհիվ երկիրն ավելի հզորացավ, կարգավորվեց երկրի պետական համակարգը և մեծ զարգացում ապրեց տնտեսությունը։
4.Փորձիր գտնել տարբերություն , նմանություն քաղաքի և մայրաքաղաքի միջև: Պատմիր նոր մայրաքաղաքի հիմնադրման մասին /քարտեզում գտիր, նշիր մայրաքաղաքը/:
Մայրաքաղաքը պետության գլխավոր քաղաքն է, որտեղ գտնվում են կառավարությունն ու կառավարական մարմինները: Քաղաքը խոշոր բնակավայր է՝ վարչական, արդյունաբերական, առևտրական ու մշակութային կենտրոններով։ Եվ քաղաքում, և մայրաքաղաքում կան վարչական, արդյունաբերական, առևտրական ու մշակութային կենտրոններ։
Արտաշես Առաջինը Ք․Ա․ 185թվականին Այրարատ նահանգի Ոստան Հայոց գավառում՝ Երասխ ու Մեծամոր գետերի ջրկիցում (ներկայիս Խոր վիրապի շրջակայքում) կառուցել է նոր մայրաքաղաք և իր անունով կոչել Արտաշատ: Հույն պատմիչ Պլուտարքոսի հավաստմամբ՝ քաղաքի տեղանքն ընտրել և հատակագիծը կազմել է Կարթագենի զորավար Հաննիբալը, որն առժամանակ ապաստանել էր Հայոց թագավորի արքունիքում: Նկատի ունենալով քաղաքի անառիկ դիրքը՝ հունա-հռոմեական պատմիչներն այն անվանել են «Հայկական Կարթագեն»: Նոր մայրաքաղաքում Արտաշեսը կառուցել է Հայոց աշխարհի հովանավոր Անահիտ աստվածուհու տաճարը, որտեղ կանգնեցրել է իր նախնիների արձանները: Արտաշատը Հին աշխարհի քաղաքական, տնտեսական և մշակույթի կարևոր կենտրոններից էր:
5.Գնահատիր Արտաշես Առաջինի գործունեությունը որպես թագավոր:
Արտաշես Առաջինի գործունեությունը գովաբանել են շատ ու ՛շատ պատմիչներ։ Նա հզոր տիրակալ է եղել։
Արամերեն արձանագրություններում Արտաշես Ա-ն ներկայանում է որպես «Արտաշես արքա, Բարի, որդի Զարեհի, Երվանդյան»: Նա վերականգնել է Մեծ Հայքի թագավորության ռազմաքաղաքական հզորությունը, վերամիավորել գրեթե ողջ Հայկական լեռնաշխարհը, բոլոր հայախոս ու հայկական նահանգները:
Ժամանակակից հույն պատմագիր Պոլիբիոսն Արտաշեսին անվանել է «Արմենիայի մեծագույն մասի տիրակալ», իսկ հույն աշխարհագետ Ստրաբոնը հավաստում է. «Հայաստանն… աճել է Արտաշեսի ջանքերով…, և ուստի այստեղ բոլորը միալեզու են»։
6. Հայ հին վիպաշխարհ էջ 68-73 կարդալ ,տասնհինգ նախադասությամբ ամփոփիր:
Սմբատը Արտաշեսին կարգում է հայոց աշխարհի թագավոր։ Եվ Երասխի և Մեծամորի իրար խառնվող հատվածում, բլրի վրա, կառուցում է Արտաշատ քաղաքը և դարձնում արքայանիստ քաղաք։
Հայոց և ալանների զորքերի ընդհարման ժամանակ ալանների արքայազնը գերի է ընկնում Արտաշեսի ձեռքը։ Ալանների թագավորը պատգամավորներ է ուղարկում Արտաշեսի մոտ, խոստանալով այն ամենը, ինչ Արտաշեսը կամենա, միաժամանակ առաջարկում երդմամբ դաշինք կնքել, որ դրանից հետո ալանների կտրիճները այլևս չեն ասպատակի Հայոց աշխարհը։ Արտաշեսը հրաժարվում է պատանի արքայազնին վերադարձնել։ Երբ այդ մասին իմանում է արքայազնի քույրը, ալանների չքնաղ արքայադուստր Սաթենիկը, որ գտնվում էր հոր մոտ, նրա բանակում, գալիս կանգնում է Կուր գետի ափին գտնվող մի մեծ դարավանդի վրա և թարգմանիչների միջոցով ձայն է տալիս Արտաշեսին, որ վերադարձնի իր եղբորը։ Արտաշեսը սիրահարվում է Սաթենիկին։ Նա ցանկանում է ամուսնանալ նրա հետ, բայց այնպիսի պայմաններ են առջարկում, որ առևանգում է Սաթենիկին և ամուսնանում։ Արտաշեսը Սաթենիկին դարձնում է իր կանանց մեջ առաջինը։ Սաթենիկից ծնվում է Արտավազդը և ուրիշ շատ զավակներ։ Արտավազղը երբ մեծանում է, դառնում է քաջ, ինքնահավան և հպարտ արքայազն։ Մայրը՝ Սաթենիկը, գաղտնի սիրային կապեր է ուզում հաստատել Արգավանի հետ։ Արտավազդը կոտորում է Արգավանին իր բոլոր զավակներով։
Աղբյուրներ՝ Արտաշիսյան արքայատոհմ
՝Մեծ Հայքի Արտաշեսյան թագավորությունը