Անանիա Շիրակացի/Հին խնդիրների ժողովածու

Խնդիր 1

Ես եկեղեցի էի կառուցում, աշխատանքի վերցրեցի պատշարի, որն ամեն օր շարում էր 140 քար, և աշխատանքը սկսելուց 39 օր անց, աշխատանքի վերցրի ևս մեկ պատշարի, ով ամեն օր շարում էր 218 քար: Եվ երբ երկուսի աշխատանքները հավասարվեցին, եկեղեցին պատրաստ էր: Հաշվիր, թե քանի օրում 2-րդ պատշարը հավասարվեց 1-ինին:

Լուծում

1) 140×39 = 5460 առաջին պատշարը մենակով հասցրեց շարել 5460 քար

2) 218 – 140 = 78 2-րդ պատշարը օրական 78 քարով ավել էր շարում առաջինից

3) 5460 : 78 = 70    2-րդ պատշարին պահանջվեց 70 օր, որպեսզի հավասարվի

4) 39 + 70 = 109    109 օր պահանջվեց եկեղեցու կառուցմանը

Խնդիր 2

Պարսիկների դեմ հայերի ապստամբության ժամանակ, երբ Զաուրակ Կամսարականը սպանեց Սուրենին, հայ զինվորականներից մեկը դեսպան ուղարկեց պարսկական թագավորին, որպեսզի նրան զեկուցի այդ տխուր լուրը: Դեսպանն օրական անցնում էր հիսուն մղոն: Այդ մասին տասնհինգ օր անց իմացավ Զաուրակ Կամսարականը և իր մարդկանց ուղարկեց դեսպանին ընդառաջ: Նրա մարդիկ օրական անցնում էին ութսուն մղոն: Իմացիր, թե քանի օրում հասան դեսպանին:

Լուծում

1. 50×15 = 750  Դեսպանը 15 օրում անցավ 750 մղոն
2. 80 – 50 = 30 Թագավորի մարդիկ օրական 30 մղոն ավել էին անցնում
3. 750 : 30 = 25    25 օր պահանջվեց, որպեսզի թագավորի մարդիկ հասնեն դեսպանին